Биринчи жана экинчи кварталдар үчүн дивиденддер төлөндү
«Азия Сталь» артыкчылыктуу акцияларынын ээлерине номиналдан жылдык 19% ставкасы боюнча дивиденддер эсептелди. Каражаттар которулду — Namba One колдонмосунан текшерсеңиз болот.
«Азия Сталь» ААКсынын артыкчылыктуу акцияларынын ээлерине биринчи жана экинчи кварталдар үчүн дивиденддер төлөндү. Кварталдар чыгарылым жайгаштырыла баштаган күндөн тартып эсептелет, календардык жылдын башынан эмес. Эсептөө акциянын 4 000 сомдук номиналдык наркынан жылдык 19% ставкасы боюнча жүргүзүлдү.
Каражаттар укуктары EVDE депозитарийинде эсепке алынган ээлерге которулду. Түшкөнүн Namba One колдонмосунан — акциялар сатып алынган ошол эле жерден — текшерүүгө болот.
Артыкчылыктуу акциялар боюнча дивиденддер акционерлердин жалпы жыйынынын чечими боюнча коомдун таза кирешесинен ар квартал сайын төлөнөт.